كتب: مهندس :مصطفى مجدى الجوهرى

وانا عمال أقرأ أخبار من ناسا إن شهر يوليو الحالي هو أكثر الشهور حرارة منذ مئات السنين في ظاهرة كونية مثيرة للقلق
وشايف كل الأخبار دي عن أزمة كهربا مشابهة للي عندنا في أكبر الدول زي أمريكا والصين والهند وإيطاليا وفرنسا وبريطانيا ومالطا وباكستان وغيرهم مع تفاوت الدرجات وأسباب الأعطال وتخفيف الأحمال.

عمال أفكر هو لو مكناش عملنا أكبر ٣ محطات لإنتاج الكهربا في العالم بتوع سيمنز كنا عملنا إيه في أزمة زي دي؟!
هو لو مكناش فتحنا المجال للشراكة مع القطاع الخاص لعمل أكبر محطة شمسية في العالم في بنبان في أسوان وأكبر محطة رياح في جبل الزيت في البحر الأحمر، كنا عملنا إيه في أزمة زي دي؟
هو لو مكناش طورنا شبكة النقل القديمة وعملنا شبكة جديدة بطول ٦٠٠٠ كم بدلا من ٢٠٠٠ في ٢٠١٣ كنا عملنا إيه في أزمة زي دي؟الحقيقة مع مرور الأزمات بتكتشف إزاي ربنا كريم معانا لأنه في أزمة زي دي لو مكناش عملنا الحاجات دي كلها كنا ضعنا حرفيا مكنتش مشكلتنا هتكون قاعدين من غير تكييف نص ساعة ولا ساعة في اليوم حضرتك كنا مش هنشوف الكهربا بالأيام

ليه
لأنه حضرتك المحطات اللي ذكرتها دي ضاعفت إنتاج مصـــــــــر من الكهربا من ٢٠ جيجا وات سنويا ل ٦٠ جيجا وات سنويا يعني ٣ أضعاف!
ووصلت القدرة اليومية القصوى من ٢٠ ميجا وات إلى ٣٥ ميجا وات وهو كان أقصى استهلاك يومي متوقع قبل كارثة الاحترار اللي بيعيشها الكوكب بشكل استثنائى!
واللي وصل الاستهلاك اليومي لـ ٣٦.٦ ميجا وهو ما لم يكن في أي حسابات في أوروبا قبل آسيا وأمريكا قبل الصين!
فبنواجه أزمة عرضية مؤقتة زي باق الدول بسبب عدم قدرة شبكات الغاز تغذية المحطات بالكميات الكبيرة دي لا عندنا محطات خرجت من الخدمة ولا عندنا شبكات انهارت واتعطلت بفضل التحديث مش زي بعض الدول ولا عندنا نقص غاز!
فالسؤال الصحيح هو لو مكناش عملنا المحطات دي وحدثنا شبكة النقل كان وضعنا إيه انهاردة؟!
مش فاهم إزاي الإعلام المأجور قدر يغيب عقول البعض وبدل ما الأزمة تكشفلك عظمة الإنجاز اللي تم وأهميته بتشكك فيه!
إزاي بيقدروا يقلبوا الحق باطل والباطل حق وبدل ما نحس بقيمة اللي اتعمل اكتر ننكره!!
نفس اللي هاجموا المحطات دي أول ما تم الإعلان عنها هما اللي بيهاجموا الحكومة دلوأقتي على تخفيف الأحمال العرضي اللي بيواجه العالم كه في ظاهرة كونية هي الأولى من نوعها!
يعني بيهاجموا المشكلة والحل!
بالنسبة لي الإعجاز مش أنك قدرت تعمل التنمية دي كلها في قطاع الكهربا في ٧ سنين وتضاعف القدرة الإنتاجية ٣ مرات!
الإعجاز إنك عملته إزاي وانت خارج من ثورتين وبتحارب الإرهاب وشعب بيتعرض لحرب إعلامية ممنهجة ونصه تحت الحملات دي مغيب!
خلى بالك و أثبت فأنت المستهدف
كل ما يتم تناوله عن تخفيف الاحمال بسبب نقص الغاز اما شائعات او تصريحات مجتزئة او عدم تفسير صحيح لمشكلة ضغوط الغاز في الشبكة المغذية للمحطات

مصـــــــــر اوقفت التصدير من بداية الصيف واعلنت انها ستستأنفه في الخريف لان الاولوية للسوق المحلي
والمشكلة مرتبطة بقدرة شبكات الغاز المغذية للمحطات للتوليد غير قادرة على استيعاب هذا الكم الهائل من الانتاج اليومي!
منقول
حفظ الله مصـــــــــر ❤️❤️